JO/KIBE: Klettersommer Start in Interlaken

Leiter: Silvan und Sandra

Teilnehmer: Luca, Hannah, Frederik, Kilian, Tim und Sandra

Churz vor de haubi 9i hei mir üs bi wunderschönem Wätter ds Vierte am Bahnhof ds Langnou troffe u si de i Richtig Konolfinge gstartet. Dert hei mir de no Sandra troffe und de isch es ou scho nach Thun und witer nach Interlake. Mit däm chline Grüppli si mir de los tschirrget u hei dr Räst vor Gruppe bim Lehn Parkplatz troffe. Vollzählig hei mir üs uf e Wäg is Chlättergebiet Bockstor gmacht, wo es no e chlini theoretischi Uffrüschig het gä. Zügig hei mir üs aber a Feuse beghä um die Zit möglicht optimau ds nutze u viu Chlättermeter ds mache. Wo mir de nüme so hei möge, hei mir zäme packt und si bim zrügloufe no e Abstächer i Kilians Waldhütte go mache. Dür dass sie mir de chli knapp gsi für uf e Zug, aber dank em ne guete Sprint hets de doch no glängt. So si mir vou verschwitz im voue Zug wieder zrüg nach Langnou gfahre.