Gedicht von den rutinierten Gustimäucher…
Sundi Morge, aui Ching hocke vorem Bahnhof gschwing. Äs geid los ufe Grimsupass, aui hei ihre Spass. Schritt für Schritt dr Näbu chund mid, d Wätterlag shiit. Zum Znacht gids Spaghetti Bolognese zum Glück keh Polenta mit Chäs.
Am Mändi stömer speter uf, ds Wätter roubt üs dr Schnuff. Mir si dürs Zmorge gseklet u grad witter ufe Grimsupass. Zick zack d Kurve ab u witter i Garte vode Naters. Uf u ab bi Sunneschiin heimers gnosse im Gestin. Wieder dr Grimsu obsi drus isch z Wätter immer no ä Grus.
Zisti Morge ir Theorie aui si derbi. Churzum heimer d Seubrügg gspannet u gli drufabe simer im Killy Billy ghanget.
Am Morge früeh zude Fädere us u ganz schnäu dr Bärg deruf. Am Horizont no haub im Schlaf streckt sech d Sunne häu u brav. Zfride zurg am Zmorgetisch, äs gid nid öpe Fisch. Nach dr Toureplanig lehrä mir vo Strahlers Erfahrig. När ab ufe Hoger ueche, düemer versueche d Theorie vom Zistig z bruche.
Ab ufd Hüttetour mir luege nüd ufd Uhr. Schritt für Schritt dä Dinos na u när Vougass i die Feuswang da. Express i Express us simer langsam usem Schnuff. Dobä acho düemer ässe wasmer nid hei vergässe. Scho währendem Chlättere heimer gsee d Helikoptere flüge dahii. Its störe si no viiu meh. Chli unmotiviert u glich no da, gömer wieder dr Feuswang na. No ä churze Fuesmarsch u de stöh die letschte Meter a, sowie d Burghütte sid 44 Jahr.
Friti Morge no chli früeh weckt üs dr Wecker us dr Rüeh. Vorem Zmorge heimer gmerkt üse Buechitrag isch abverreckt. Z Zmorgebuffet nid so gross d Chlätterroute derfür famos. 3.a. bis 5.c. für üs aui kes Problem. Bim 6 afa Schwitze, womer si dür Feuswängschlize. Nach Chrampf u Trank z Tau dürab u iche i die Glacebar. Langsam zrug ir Grimsustrass heimer z Theater dichtet gha.
Jana Eicher, Kira Möller, Alina Moser, Daniel Gasser, Dario Krähenbühl und Jana Meister
