O we mr d JO Langnou si chunnt wi so hüüfig fasch niemmer de o würklech vo Langnou. Aber bis Kandersteg si mir ömu z sächst gsi u hei o scho üsi Fröid gha mit de schneebedeckte Strasse im Dorf. Schnäu si mr de ir Gemmilodge hinger acho u hei üsi Pickle, Stigise, Grigri, Gstäutli usw uspackt, haut aus wos brucht für e Tag mit toole z verbringe. Mit em ne churze Technikinput vo Michu si mir wider i die Materie igstige u hei ner o scho fliisig afah pickle. I verschidnige Routene hei mir di verschidnige Technike güebt. Nachem Lunch isches witergange bis mr aui gnue krassi Bilder u ke Chraft me hei gha und über di veriisete Strasse isches de o scho wider zrügg richtig Langnou gange.