Hallo liebes Tourenberichtzweitagebuch
Nach über 4 stundä aareis dr lac de moiry, üsä startpunkt, erreicht. Zur orientierig: das liegt im wallis ir nöchi vodä bärgä. Vo dert hei mir üs müehsam ufä längi wäg id hüttä gmacht - ganzi 1 stung u 400 höhemeter het sich dä zogä. Dass mir dä unproduktiv hei chönnä rettä und im notfau üs säubr hei mir när hingr dr hüttä no gluegt wär di schnäusti seilverchürzig cha machä. Bir T-Verankerig hei mir üsi picku vergrabä u si de scho no um d bandschlingä froh gsi, zum nä wiedr findä. Dr abä het när nume no us drü sachä bestangä: Toureplanig, fein ässä u schliesslich usgiebig dehnä.
Am 3:45 si mir när dür äs müehsams grüsch - üsä wecker - usem schlaf grissä wordä. Nachämä gjuflätä zmorgä si mir im schiin vodä stirnlampe richtig gletscher gstoglet. Di erstä sunnestrahlä si churz vorem erstä grat uf üsi gsichter gfauä. Das het üs gfauä. Gfauä het üs ou dr ufstieg uf d Pointes du Mourti mit abwächsligsriichem grat u firn wandärä. Nach ärä churzä verpflegig uf dr ussichtsterassä si mir när ufämä verbindigsgrat zur Dents des Rosses überäghüpft. Vor Dents de Rossses simer de schmäu ufem gletscher gsi u dert höchst stylish abegslidet. Dank üsärä elegantä Fortbewegigsart u bitzli trail running hei mir ds Poschi am 12i tous juste no verwütscht.
Wüu mir ke abschlusssatz hei sägä mir öich emu ds Wort vor Tour: Ja vou.
