KIBE: Klettern rund um die Heftihütte

Teilnehmende: Leandra, Jana, Finja, Yolanda, Ronja, Nina, Sandra, Elin, Alea

Leitende: Adrian, Karin

Am Bahnhof Langnau hei mir gmerkt das dr Luca nid da isch und hei üs de gfragt was mir de im Tourebricht de söue schriebe. Hoffentlech hei mir ihn nid verschücht. Vo Schüpfheim a si mir mit de heisse Hühner usem Trgou richtig Hirsegge gfahre. Denn isch üs ufgfau das bi üs Ädu dr Hanh im Korb isch u Karin het sgfühll ga das es das no ni het gä, das es numme wieblechi Teilnehmer uf Tour si gsi. Ihr Hirssegg acho hei mir üs schweren Herzes verabschiedet vo de heisse Hühner. U üs ufewäg richtig Hefti gmacht. Wäretem loufe hei mir gmerkt das es so stiu isch u dr Fabio nid da isch. Ungerwägs hei mir e Znünipouse gmacht. Wo mir de scho gli si dobe gsi, hei mir de no gwettet wie lang mir no hei, doch nimmer isch richtig gläge u mir si schneuer gsi aus dänkt. Dobe ihr Hütte hei mir de glunchet. Uf Grund vor Wätterlag hei mir de chli gmeieret u feini Tomatesuppe gässe. Üsi Nase si wärenddesse geng wie lenger worde. Mir si när no ga chlättere aber narä Haubstung het nis aber ds Wätter ume ichegjagt. De hei mir haut de nomau chli gmeieret u Znacht gchochet. Da mir no chli viu Chäs hei gha hei mir üs überleit, dass mir de no chli uf ds Caramellchöpfli chönnte tue, was aber de nid ds stang isch cho. Nadem dass de aui sat si gsi hei mir bi wider gutem Wätter no chli Theorie agluegt. Ds Dessert hei mir de fasch ohni Alea u Yoli gässe (aber für üs natürlech kes Problem). Die Zwöi si nämlech geng no dusse am Fahnemascht ghanget u hei sech kaputt glacht. U d Leiter hei sech scho gfragt, was si üs de gfueret hei. Wo de doch aui ichecho si hei mir feini Caramellchöpfli mit Rahm gässe u Ädu het nis es tolls Guetnachtgschichtli verzeut vom Sämeli Seelig wo ab und zue aus Geischt ume uftoucht isch. Es het o scho Lüt gä, wo vor lutter Angscht mitem Bieli ids Bett si. De hei mir üs d Chöpf zerbroche mit Rätsu, bis uf Ädu dä chunnt bis hüt no nid nache. När si mir use chli ga lache, bis mer gschlotteret hei vor Angscht, wöu mir kes Bieli hei drbi gha. De si mir aber ume id Hütte u hei de o churz drufabe gschlafe. Dr nächscht Tag het für d Mehrheit scho früech gstartet, si si mit dr Sunne ufgstange. U chli speter hei mir de dusse bi troumhaftem Wätter u herlecher Bärg kuliesse zmörgelet. Schon gli si mir närr z Dräckgäsli uf chräsmmet. Wo mir üs de bim Tüfeler hei abgseillet ga, simer no chlli ga chälltere zu de kurze Route. De isch de o wieder z Mittag nache gsi u mir hei dusse wieder g'Lunchet. Nähren hei mir d'Hütte nach Beispiel ufgrummt u putzt. Jetzt muss me sogar d' Sunnebrille aleg we me iche wot, wüss so suber isch. Scho gli isch es Zit gsi u mir si richtig Tau gange. Am ache ga hei mir Wärbig fürs KiBe gmacht. Die Einte si vorus gseklet u hei Abkürzige gno. Ihr Bodehütte hei si de no e Duschi gno. Scho gli si mir ganz dunge gsi u hei dr Tourebricht no fertig gschreibe. Jetzt hocke mir im Poschi und die heisse Hühner si no nid sichtbar. Mir freue üs scho für's nächst mal it Heftihütte.