JO: 2-tägige Skitour aufs Wildhorn 3250 (Y, L-M)

“Rund ums Tschinggi”

Wie het das ganze agfange? Müed. Trotzdäm hei mir üs aui motiviert nachere ÖV/Outoreis bir Engstligenalp gfunge. Ou d JO Bärn het ä änliche Plan gha. Schnäu si mir scho am Wind usgsetzt gsi. Dä isch ou no fürä Räst vom Tag üsä ständi Begleiter gsi. Nachem LVS Check hei mir die erste Meter mit em Schlepplift überwunde. Da näbem Pisterand ufeloufe chli „untoll“ isch (und ou nids Gäube vom Ei) hei mir ou die erste Höhemeter mit em Lift überwunde. Nachem luftige Afähle hei mir üs när ou chli bewegt. Es het immer no gluftet. D Harschise hets brucht (es sei denn me vergisst sä – de muesses o ohni ga). Trotzdäm hets Spass gmacht und mir hei ou scho chli chöne abäfahre. När hei mir a churzä sunnigä Rast chönnä verbringä. Denn hets nid gluftet u d Fälli hei oh scho wieder irä Dienst gleistet👌. Dä Astieg isch gnussvoll velüfä, aber chum dr nächst Bärgpris gwunnä, het dr Luft üs zläbä wieder chly erschwärt. Wo de aui Fälli wieder verrumt im Rucksack si gsi, siemer dür d Steinä bis i befahrbarä Schnee. D Skikünst si vou uf d Prob gsteut wordä. Chly Triebschnee wo abratä isch wordä, auso diä obersti Schicht chly hert, chly Sulz, u ganz wenni Puder. Es petit Schneebrett het de oh aui wieder id Realität zrügg ghout. Chly süferli u nid ds schnäu si mir iz nächstä Loch achägfahrä. No einisch ufeloufe, abefahre u näre isch scho fertig gsi. Mit der Ängstligebahn und füf tonne Lüt simer wider ids Tal abegsäglet. Dert hets tiptop ufe Bus glängt und ds Fazit vo dere Tour isch: vo müed bis Luft heimer aues gha.

Danke Res & Rebi für die cuuli Tour!